لاس اینجلس میں ایک چھوٹاطیارہ گرنے سے دو ہلاک آٹھ زخمی

لاس اینجلس: جمعرات کو ایک چھوٹا طیارہ سان ڈیاگو کے ایک محلے میں فوجی خاندانوں کے گھرپر گر کر تباہ ہونے سے کم از کم دو افراد ہلاک اور آٹھ زخمی ہو گئے۔ اس حادثے میں مکانات اور گاڑیوں کوزیادہ نقصان پہنچاہے۔ مقامی حکام نے بتایا کہ حادثہ مقامی وقت کے مطابق صبح 3بج کر45 منٹ پر (1045 GMT) Tierrasanta علاقے میں ایک فوجی ہاؤسنگ کمپلیکس میں پیش آیا۔ حادثے کی جگہ منٹگمری-گِبس ایگزیکٹو ہوائی اڈے کے مشرق میں 2 میل سے تھوڑی زیادہ دوری پر ہے۔ یہ واضح نہیں ہے کہ طیارے میں کتنے افراد سوار تھے۔ پولیس نے کہا کہ انہیں یقین ہے کہ زمین پر موجود کوئی بھی شخص ہلاک نہیں ہوا، لیکن وہ فوری طور پر اس کی تصدیق نہیں کر سکے۔ سان ڈیاگو فائر ریسکیو کے اسسٹنٹ چیف ڈین ایڈی نے ایک تباہ شدہ گھر کے سامنے ایک نیوز کانفرنس میں کہا کہ ’ہمارے پاس ایک طیارہ تھا جس نے اس علاقے سے پرواز کی لیکن اچانک اس میں کچھ خرابی آگئی اوریہ گرگیا جس کے سبب ایک گھر کو تباہ کر دیا۔ ایڈی نے کہا کہ جب فائر فائٹرز جائے وقوعہ پر پہنچے تو انہوں نے دیکھا کہ ایک گھر اور کئی گاڑیوں کو آگ لگ گئی ہے۔ سان ڈیاگو پولیس ڈیپارٹمنٹ نے کہا کہ جمعرات کی صبح 11 بجے تک دو افراد کی ہلاکت کی تصدیق کی گئی اور آٹھ دیگر زخمی ہوئے۔ ایڈی نے بتایا کہ جمعرات کی صبح تک، معمولی زخموں کے ساتھ صرف ایک شخص کو اسپتال لے جایا گیا تھا۔ جمعرات کی صبح تک تقریباً 100 لوگوں کو پڑوسی گھروں سے نکالا جا چکا تھا۔ فیڈرل ایوی ایشن ایڈمنسٹریشن نے طیارے کی شناخت سیسنا 550 کے طور پر کی۔ ایڈی نے اطلاع دی کہ طیارہ، جس کا روٹ مڈویسٹ میں شروع ہوا، سان ڈیاگو کی طرف جا رہا تھا۔