بھارت کے 6 لڑاکا طیارے کومار گرانے کاپاکستان کادعویٰ جھوٹا

نئی دہلی: چیف آف ڈیفنس اسٹاف جنرل انیل چوہان نے امریکی نیوز چینل بلومبرگ کو دیے گئے انٹرویو میں پاکستان کے جھوٹ کا پردہ فاش کردیا۔ دراصل شہباز شریف نے دعویٰ کیا تھا کہ پاکستان نے بھارت کے 6 لڑاکا طیارے مار گرائے ہیں۔ اب سی ڈی ایس نے پاکستان کے اس دعوے کو یکسر مسترد کر دیا ہے۔

بلومبرگ کے پوچھے گئے سوال پر انیل چوہان نے کہا کہ یہ بالکل غلط ہے۔ تاہم انہوں نے پاکستان کے ساتھ تنازع کے دوران بھارتی جیٹ طیاروں کے نقصان کو قبول کیا۔ لیکن انہوں نے یہ نہیں بتایا کہ کتنے جیٹ طیاروں کو نقصان پہنچا۔

عیاںرہے کہ سی ڈی ایس انیل چوہان شنگری لا ڈائیلاگ میں شرکت کے لیے سنگاپور پہنچ گئے ہیں۔ طیاروں کے نقصان کے سوال پر سی ڈی ایس نے کہا کہ یہ معلوم کرنا زیادہ ضروری ہے کہ طیاروں کو کیوں نقصان پہنچا، تاکہ فوج اپنی حکمت عملی کو بہتر کر سکے اور پھر جوابی کارروائی کر سکے۔انیل چوہان نے کہا کہ ‘یہ اچھی بات ہے کہ ہم اپنی حکمت عملی کی غلطیوں کو سمجھنے میں کامیاب رہے، جسے ہم نے درست کیا اور پھر دو دن بعد اس پر عمل درآمد کیا۔ ہم نے ایک بار پھر اپنے تمام جیٹ طیاروں کو طویل فاصلے تک نشانہ بنایا۔

‘سی ڈی ایس انیل چوہان نے شنگری لا ڈائیلاگ کے دوران کہا کہ ہم نے جعلی خبروں کا مقابلہ کرنے کی مسلسل کوشش کی۔ انہوں نے کہا کہ مسلح افواج کا 15 فیصد وقت ان جعلی خبروں کا مقابلہ کرنے میں صرف ہوتا ہے۔ سی ڈی ایس نے کہا کہ ہندوستان نے ہمیشہ اپنے بیانیے کو ٹھوس بنیادوں پر استوار کیا ہے، یہاں تک کہ اگر ہم انہیں پیش کرنے میں بعض اوقات سست روی کا مظاہرہ کرتے ہیں۔

ان کا کہنا تھا کہ ‘ان کارروائیوں میں براہ راست ملوث ہونے کی وجہ سے میں کہہ سکتا ہوں کہ تنازع میں سائبر نے کردار ادا کیا، لیکن اس کا اثر محدود تھا، واضح ہوکہ آپریشن کے دوران پریس بریفنگ کے دوران سیکرٹری خارجہ وکرم مصری نے پاکستان کو غلط معلومات پھیلانے پر تنقید کا نشانہ بنایا تھا۔