نیویارک ایئرپورٹ پر ہندوستانی طالب علم کے ساتھ غیر انسانی سلوک

نئی دہلی: امریکہ کے نیویارک ایئرپورٹ پر بھارتی طالب علم کے ساتھ غیر انسانی سلوک پر لوگ ناراض ہیں۔ نیویارک ایئرپورٹ پر پولیس اہلکاروں نے طالب علم کو ہتھکڑیاں لگائیں اور منہ کے بل زمین پر لیٹادیا۔ جس کے بعد اس کی ویڈیو سوشل میڈیا پر وائرل ہونے لگی۔اس حوالے سے نیویارک میں بھارتی قونصلیٹ جنرل نے ایکس پر پوسٹ کیا، انہوں نے لکھا، ‘ہم اس سلسلے میں مقامی حکام سے رابطے میں ہیں۔

‘ہندوستانی شہری کو ایئرپورٹ پر مشکلات کا سامنا

ایکس پر پوسٹ میں مزید لکھا گیا، ‘ہمیں سوشل میڈیا پر کچھ پوسٹس موصول ہوئی ہیں جس میں دعویٰ کیا گیا ہے کہ نیویارک لبرٹی انٹرنیشنل ایئرپورٹ پر ایک ہندوستانی شہری کو مشکلات کا سامنا ہے۔ ہم اس سلسلے میں مقامی حکام سے رابطے میں ہیں۔ قونصل خانہ ہمیشہ ہندوستانی شہریوں کی فلاح و بہبود کے لیے پرعزم ہے۔

اس حوالے سے بھارتی طالب علم کے ساتھ غیر انسانی سلوک کی یہ ویڈیو ‘X’ صارف اور ہندی میں کتابیں لکھنے والے بھارتی نژاد امریکی صنعت کار کنال جین نے شیئر کی ہے۔ ویڈیو شیئر کرتے ہوئے اس نے ہندوستانی وزارت خارجہ اور وزیر خارجہ ایس جے شنکر کو بھی ٹیگ کیا ہے اور اس طالب علم کے لیے مدد مانگی ہے۔

انھوں نے لکھا، ‘گزشتہ رات میں نے ایک نوجوان ہندوستانی طالب علم کو نیوارک ایئرپورٹ پر ڈی پورٹ ہوتے دیکھا۔ وہ ہتھکڑیاں لگا کر رو رہا تھا۔ ایک این آر آئی کے طور پر میں نے خود کو بے بس محسوس کیا۔ یہ ایک انسانی المیہ ہے۔ اس معاملے میں طالب علم چیخ رہا تھا کہ ‘میں پاگل نہیں ہوں، وہ مجھے پاگل ثابت کرنا چاہتے ہیں۔