ڈونلڈ ٹرمپ نے نریندر مودی کا شہباز شریف سے موازنہ کیا

نئی دہلی :کانگریس نے ہندوستان اور پاکستان کے درمیان جنگ بندی کے معاہدے کے بارے میں امریکی صدر ڈونلڈ ٹرمپ کے بار بار دعووں پر سخت ردعمل کا اظہار کرتے ہوئے ریپبلکن لیڈر پر الزام لگایا کہ وہ نہ صرف دونوں ممالک کا موازنہ کر رہے ہیں بلکہ وزیر اعظم نریندر مودی کا اپنے پاکستانی ہم منصب شہباز شریف سے موازنہ بھی کر رہے ہیں۔

کانگریس رہنما پون کھیرا نے کہا کہ ‘ڈونلڈ ٹرمپ نہ صرف بھارت کو پاکستان سے جوڑ رہے ہیں بلکہ وہ وزیر اعظم مودی کا موازنہ شہباز شریف سے بھی کر رہے ہیں۔سعودی عرب میں ہونے والے ایک پروگرام سے پاک بھارت جنگ بندی معاہدے کے بارے میں ٹرمپ کے تازہ ترین ریمارکس کا ایک کلپ شیئر کرتے ہوئے، کانگریس کے میڈیا اور پبلسٹی چیف پون کھیرا نے کہا، ’ٹرمپ نے دوبارہ ایسا کیا ہے۔‘

انہوں نے مزید کہا کہ امریکی صدر نے پھر کہا: ‘میں نے تجارت کا استعمال ان کے درمیان معاہدہ کرنے کے لیے کیا اور وہ راضی ہو گئے، ڈونلڈ ٹرمپ نہ صرف بھارت کا موازنہ پاکستان سے کر رہے ہیں بلکہ وہ پی ایم مودی کا شہباز شریف سے بھی موازنہ کر رہے ہیں۔کانگریس کے ترجمان کھیڑا نے پوچھا کہ کیا وزیر اعظم کا دفتر اس طرح کے موازنہ کو قبول کرے گا؟پروفیشنلز کانگریس اور ڈیٹا اینالیٹکس کے چیئرمین پروین چکرورتی نے حکومت کو آڑے ہاتھوں لیتے ہوئے کہا، ’پاکستان کے وزیر اعظم اور ہندوستان کے وزیر اعظم برابر ہیں۔ پاکستان اور ہندوستان برابر کی طاقتیں ہیں۔ یہ کون کہہ رہا ہے؟ وزیر اعظم مودی کے ‘اچھے دوست صدر ٹرمپ۔‘

کانگریس کے رکن پارلیمنٹ کارتی چدمبرم نے بھی سعودی عرب پر ٹرمپ کے تبصروں کو شیئر کیا اور حکومت کا مذاق اڑایا۔