مسئلہ کشمیر پر پاکستان کو اقوام متحدہ سے کوئی مدد نہیں ملی:بلاول بھٹو

 نئی دہلی؛ پاکستان کے سابق وزیر خارجہ بلاول بھٹو زرداری، جو وفد کی قیادت کر رہے ہیں، نے اعتراف کیا ہے کہ ان کے ملک نے اقوام متحدہ اور دیگر جگہوں پر مسئلہ کشمیر پر اپنی مہم میں کوئی پیش رفت نہیں کی۔ بلاول بھٹو کا مزید کہنا تھا کہ ‘جہاں تک اقوام متحدہ اور عمومی طور پر مسئلہ کشمیر کا تعلق ہے، ہمیں درپیش رکاوٹیں اب بھی موجود ہیں۔

انہوں نے کہا کہ اقوام متحدہ کے عہدیداروں اور سفارت کاروں سے ملاقاتوں میں انہیں دہشت گردی اور پانی جیسے مسائل پر مدد ملی لیکن یہ کشمیر تک نہیں پہنچی۔ پاکستان پیپلز پارٹی کے چیئرمین بلاول نے ایک فلسطینی صحافی کی طرف سے کشمیر اور غزہ کو مساوی کرنے کی کوشش کو مسترد کر دیا، جسے کچھ پاکستانی بھی استعمال کر رہے ہیں۔

‘پاکستان کا فلسطینیوں سے موازنہ نہیں کر سکتے، بلاول بھٹو نے مزید کہا کہ ‘میں شروع سے ہی اس بات پر زور دینا چاہتا ہوں کہ میں فلسطینیوں کی حالت زار اور پاکستان، کشمیر کی حالت زار کا کوئی معنی خیز موازنہ نہیں کر سکتا، ان کا کہنا تھا کہ ‘ہم جو کچھ غزہ میں دیکھ رہے ہیں، جو کچھ ہم فلسطین میں دیکھ رہے ہیں، وہ اپنی تمام شکلوں، صورتوں اور حالات میں انتہائی ذلت آمیز، غیر انسانی اور قابل مذمت ہے۔