’اب ہندوستان رکنے والا نہیں ہے‘

ممبئی:مہاراشٹر کے وزیر اعلیٰ دیویندر فڑنویس نے ہفتہ کے روز پونے کے نزدیک الندی میں ایک تقریب کے دوران پاکستان کو دہشت گرد ملک قرار دیتے ہوئے کہا کہ یہ ملک مسلسل دہشت گردی کی حمایت کرتا آیا ہے اور یہی اس کی شناخت بن چکی ہے ۔ انہوں نے اعلان کیا کہ اب ہندوستان رکنے والا نہیں ہے ، بلکہ وزیر اعظم نریندر مودی کی قیادت میں ہماری افواج دشمن کو منہ توڑ جواب دے رہی ہیں۔

فڑنویس نے کہا کہ مہاراشٹر میں بھی ریاستی سطح پر اجلاسوں کے ذریعے ہر ممکن احتیاطی تدابیر اپنائی جا رہی ہیں تاکہ کسی بھی غیر متوقع صورتحال سے نمٹا جا سکے ۔ انہوں نے مزید کہا کہ اس ضمن میں انتظامیہ پوری طرح چوکنا ہے ۔ جب قوم پرستوں کے ایک ساتھ آنے کے بارے میں ان سے سوال کیا گیا تو فڑنویس نے براہ راست جواب دینے سے گریز کرتے ہوئے کہا کہ ’اس بارے میں مجھ سے نہیں بلکہ سپریا سولے یا اجیت پوار سے سوال کریں۔‘

فڑنویس آج پونے کے قریب واقع الندی میں سنت دنیشور مولی کے 750ویں یومِ پیدائش کے موقع پر منعقدہ تقریب میں شریک تھے ، جہاں انہوں نے الندی مندر کے درشن بھی کیے ۔ اس موقع پر وزیر اعلیٰ نے کہا کہ سنت دنیشور مولی نے وارکاری فرقہ کی بنیاد رکھی اور سنت ٹوکوبا نے اسے منطقی انجام تک پہنچایا۔ انہوں نے زور دے کر کہا کہ ان سنتوں کے افکار کو آج کے معاشرے میں رائج کرنے کی ضرورت ہے ۔  پونے میں سنت گیانیشور کے 701 ویں یوم پیدائش کی تقریبات کے دوران، مہاراشٹر کے وزیر اعلی دیویندر فڑنویس نے اعلان کیا کہ مندر کے شہر الندی میں 450 ایکڑ پر ایک عظیم الشان سنت گیانیشور مہاراج گیان پیٹھ قائم کیا جائے گا تاکہ قدیم بھگوت مذہب کے اصولوں کو پوری دنیا میں پھیلایا جا سکے۔ فڑنویس نے انکشاف کیا کہ گیان پیٹھ کے لیے 701 کروڑ روپے کا فنڈ مختص کیا جائے گا۔ انہوں نے روشنی ڈالی کہ یہ ادارہ ہندوستان کی بھرپور روحانی طاقت کو بانٹنے میں اہم رول ادا کرے گا۔