راجستھان رائلز نے گجرات تائٹنس کے خلاف یکطرفہ مقابلہ آج جیت لیا۔ ویبھو سوریہ ونشی اور یشسوی جیسوال کی اننگ نے اس میچ کو پوری طرح سے راجستھان کی طرف کر دیا۔ گجرات کسی بھی لمحہ میچ میں واپسی نہیں کر پائی۔ اس میچ میں کئی سالوں پرانے ریکارڈ ٹوٹتے نظر آئے۔ خاص طور سے ویبھو سوریہ ونشی نے سنچری بنا کر سبھی کا دل جیت لیا۔ محض 38 گیندوں پر 101 رن بنانے والے ویبھو کو پلیئر آف دی میچ کا ایوارڈ دیا گیا، اور آج کا دن پوری طرح سے اس 14 سالہ بچے کے نام رہا۔
Special. Scintillating. Suryavanshi 🙌✨
For his record-smashing 1⃣0⃣1⃣(38), Vaibhav Suryavanshi is adjudged the Player of the Match 🩷
Updates ▶ https://t.co/HvqSuGgTlN#TATAIPL | #RRvGT | @rajasthanroyals pic.twitter.com/RQA5hxmTXE
— IndianPremierLeague (@IPL) April 28, 2025
آج کے میچ میں ٹاس جیت کر راجستھان نے پہلے گیندبازی کا فیصلہ کیا تھا۔ گجرات کی ٹیم نے پہلے بلے بازی کرتے ہوئے 209 رنوں کا پہاڑ کھڑا کیا۔ کپتان شبھمن گل نے 84 رنوں کی طوفانی اننگ کھیلی، لیکن اس اننگ کو راجستھان کے 14 سالہ ویبھو کی سنچری نے پھیکا کر دیا۔ گجرات کے گیندبازوں کی ایسی دھنائی ہوئی کہ 210 رنوں کا ہدف راجستھان نے 16ویں اوور میں ہی حاصل کر لیا۔
Records broken. Match sealed 🩷
A night where a 14-year-old stole the show and #RR sealed a famous win over #GT 🤌
Scorecard ▶ https://t.co/HvqSuGgTlN#TATAIPL | #RRvGT | @rajasthanroyals pic.twitter.com/Cfhve73fO4
— IndianPremierLeague (@IPL) April 28, 2025
210 رنوں کا ہدف حاصل کرنے کے لیے اتری راجستھان کی شروعات دھماکہ دار رہی۔ ویبھو سوریہ ونشی اور یشسوی جیسوال نے بطور سلامی بلے باز پاری کی شروعات طوفانی انداز میں کیا۔ ویبھو نے 6 چھکوں کی مدد سے محض 17 گیندوں میں نصف سنچری مکمل کر لی۔ اس کے بعد بھی ویبھو رکنے کو تیار نہیں تھے۔ انھوں نے محض 35 گیندوں میں سنچری بنا ڈالی۔ اس دوران ویبھو کے بلے سے 11 چھکے اور 7 چوکے آئے۔ بارہویں اوور میں ویبھو کا وکٹ گرا، لیکن تب تک وہ راجستھان کو فتح سے بہت قریب کر چکے تھے۔
دوسرے چھور پر یشسوی جیسوال بھی تیز بلے بازی کر رہے تھے، لیکن ویبھو کے طوفان کے سامنے ان کی بلے بازی پر کسی کی نظر ہی نہیں گئی۔ انھوں نے محض 40 گیندوں میں ناٹ آؤٹ 70 رنوں کی اننگ کھیلی۔ راجستھان نے 15.5 اوورس میں 2 وکٹ کے نقصان پر 212 رن بنا کر یہ میچ 8 وکٹ سے جیت لیا۔
No Comments: