سری لنکا میں 6جون سے شروع ہونے والا ویمنزایشیا کپ ملتوی

ایشین کرکٹ کونسل (اے سی سی) نے میزبان ملک سری لنکا میں موسمی حالات اور صحت عامہ کے خدشات کی وجہ سے 6 جون سے شروع ہونے والے ویمنز ایمرجنگ ٹیم ایشیا کپ ٹورنامنٹ کو ملتوی کرنے کا اعلان کیا۔ ٹورنامنٹ ملتوی کرنے کا فیصلہ سری لنکا کرکٹ بورڈ کے صدر شمی سلوا کی جانب سے موصول ہونے والے خط پر غور و خوض کے بعد کیا گیا۔

انہوں نے اے سی سی کے سربراہ محسن رضا نقوی کو خط لکھ کر ٹورنامنٹ ملتوی کرنے کا مطالبہ کیا تھا۔ اے سی سی نے ایک بیان میں کہا کہ سلوا نے سری لنکا میں خراب موسمی حالات اور خطے میں چکن گونیا کے پھیلاؤ کی وجہ سے صحت کے خدشات کا حوالہ دیا۔ نقوی پاکستان کرکٹ بورڈ کے صدر بھی ہیں۔ انہوں نے کہا کہ براعظمی ادارہ خواتین کی کرکٹ کی اہمیت کو سمجھتا ہے اور خطے میں ابھرتے ہوئے ٹیلنٹ کو فروغ دیتا ہے۔

انہوں نے کہا کہ اے سی سی نوجوان خواتین کرکٹرز کو اپنی صلاحیتوں کو بڑھانے اور اعلیٰ سطح پر مقابلہ کرنے کے مواقع فراہم کرنے کے لیے پرعزم ہے۔ ہم ایشیا میں خواتین کی کرکٹ کے مستقبل کی تشکیل کے لیے اس ٹورنامنٹ کی اہمیت کو سمجھتے ہیں اور جلد از جلد ٹورنامنٹ کو دوبارہ ترتیب دینے کے لیے تندہی سے کام کریں گے۔